Администрация СП "Бордонский наслег"

Администрация СП "Бордонский наслег"

Кулун тутар 22-23 күннэригэр Бордоҥ нэһилиэгэр, Марфа Николаевна Бурцева салайааччылаах ООО"Нефроклиника"-диализнай киин, бүөрү көрөр-истэр клиника быраастара кэлэн үлэлээн, нэһилиэнньэ доруобуйатын көрөн-истэн бардылар.
Бу клиника былырыын олунньу ыйга эмиэ кэлэн биһигэ нэһилиэкпитигэр үлэлээбитэ.Бу туһунан ООО "Нефроклиника " салайааччыта, бүөрү эмтиир быраас, Арассыыйа уонна Саха өрөспүүбүлүкэтин доруобуйа харыстабылын туйгуна Марфа Николаевна Бурцева:
...-Малыкайга үлэлээн кэлбитим номнуо нэдиэлэттэн орто. Айана ыраах буолан командировкаттан кэлэн баран санаабын сааһыланным. Маалыкай олохтоохторун, иккис сылын, бүөр бырааһын быһыытынан көрөн-истэн кэллим. Былырыын мин илиибинэн 52 киһи көрдөрөн ааспыта, онтон 40% учуокка ылабын диэн бэлиэтэнэн, быйыл иккистээн төхтөрүйэн сылдьан аастым. Уопсайынан нэһилиэккэ быраас суо5а лаппа биллэр. Ону өйдөөн, Маалыкай сэлиэнньэтин баһылыга Прокопий Юрьевич Степанов ыҥырыытынан, туруорсуутунан тиийэн көрөн-истэн кэллибит. Онон олохтоохтор баһылыккытыгар, нэhилиэгин дьонун доруобуйатыгар кыһаллан сыратын уурарыгар махтаныах тустааххыт. Быйыл балтаараа күнннээх үлэбитигэр 66 киһи кэлэн узиланан, анализ туттаран, ол түмүгүнэн, миэхэ киирэн 25 киһи кердөрөн ааста. Былырыын учуокка ылыллан баран рекомендацияны тутуспут, эмтэммит дьон доруобуйалара мөлтөөбөккө тупсубуттар бааллар диэн үөрдүм. Ону таһынан, рекомендацияны ылыммат дьон эмиэ бааллар. Онон до5оттор, бэйэ5итин көрө-истэ сылдьыаххытын наада диэн субэлиэм этэ. Быраастар эһиги бэйэ5ит доруобуйа5ытын көрүнэргитигэр сүбэ-ама эрэ буолар кыахтаахпыт. Хас биирдии киһи доруобуйата бэйэтиттэн тутулуктаах. Кэлэн көрдөрбүт дьоҥҥо хас биидиилэригэр сиһилии сүрэх, быар, бүөр, ис органнар хайдах курдук үлэлииллэрин, хайдах харыстаныахха сөбүн бэсиэдэлээн, кэпсээн астынан, дьон ылынан бэйэтин харыстаныа диэн эрэнэн үлэлээн кэллибит. Аныгыскы көрсүөххэ дылы. Бэйэм ааппыттан махтанабын Прокопий Юрьевичка, Изабелла Егоровнага, "Айар Киин" норуот айымньытын дьиэтин үлэһиттэригэр, "За уютный и теплый приём."

ссылка